LEGAZPI CITY- Nasa kabilogan na 354 pasahero, truck drivers asin cargo helpers an stranded sa mga pantalan sa Luzon Miyerkules na pagka aga sa gitna kan panrarapado kan bagyong Carina asin habagat.
Segun sa Philippine Coast Guard, igwang 31 na mga barko, sarong motorbanca asin 34 na rolling cargoes an stranded mantang 8 vessels asin 1 motorbanca an nagtinir na nguna sa Southern Tagalog asin Bicol regions huli sa bagyong Carina.
Hale sa 354 katao na stranded, 209 digdi an nasa mga pantalan kan Southern Tagalog asin 145 man an sa pantalan kan Bicol.
Mientrastanto, padagos man an piggigibong evacuation efforts kan ahensiya sa mga residenteng na-stranded huli sa mga pagbaha sa manlaen laen na lugar sa nasyon.
