LEGAZPI CITY-Nakatalaan na ipresentar kan House prosecution panel an labi sa 30 testigo sa impeachment trial ni Bise Presidente Sara Duterte.
Segun kay Batangas Rep. Gerville “Jinky Bitrics” Luistro, an nangengenot na piskal asin pamayo kan House Committee on Justice, kasabay ini kan pagsangat kan kponan kan saindang pre-trial brief sa Senate Impeachment Court.
Sinabi pa ni Luistro na pinahiwas ninda an listahan ngani masierto na maipresentar an gabos na importanteng testimonya. Ipinaliwanag kaini na basado sa polisiya, an mga testigong dai babangiton sa pre-trial pwedisir ipagbawal na magpartisipar sa mismong trial.
Alagad, piglinaw ni Luistro asin San Juan City Rep. Ysabel Maria Zamora na an polisiya sa impeachment nagtutugot sa pagtago kan mga pangaran kan nagkapirang mga testigo asin mga dokumento para sa saindang “seguridad asin kaligtasan,” hasta sa igwa nin supisyenteng deskripsyon kan saindang mga trabaho asin an katuyuhan kan saindang testimonya.
Piglalaoman man an pagsalang kan mga opisyal asin rekord kan bangko bilang parte kan mga ebidensya kan prosekusyon ngani patunayan an mga alegasyon kan dai hindi maipaliwanag na yaman asin maling paggamit kan confidential funds.
Nakatakdang idagos kan Senado an pre-trial conference sa Hunyo 18, mantang pormal naman na popoonan an impeachment trial sa maabot na Hulyo 6, sa presenteng taon.
