LEGAZPI CITY — Nagpapadagos man giraray an mga aktibidad na ipigpapahiling kan Bulkang Mayon maski pa maabot na sa duwang bulan puon kan magputok ini kan Enero 13.
Base sa latest monitoring kan 
, nakapagrehistro nin 128 volcanic earthquakes asin 12 rockfall events sa nakalihis na magdamlag.
Nagbuga man ini nin average na 2,787 tonnes per day na Sulfur dioxide mientras na an mga lava fountaining an nagdurar nin duwa minuto hasta sarong oras mi 17 minutos na may langkaw na 150 meters asin an steam-laden plumes na uminabot sa 100 hasta 600 meters.
Uminabot na man sa 3.3 kilometers an naobserbaran na lava flow sa Missi channel, 4.5 kilometers sa Bonga gully asin 900 meters na sana sa Basud gully kun sain naobserbaran man an pitong episode nin lava-collapse pyroclastic density currents (PDC).
Mientrastanto, nagtetenir man na nakabandera an alert level 4 status kan bulkan kaya padagos na pigbabawalan an paglaog kan mga residente hasta sa 8 kilometer-radius danger zone.
