Labi sa 100 na mga kaharungan an natupok nin dakulang kasulo sa ciudad kan Drammen, Norway, segun sa mga rescue official.
Napatos nin mahibog na aso an lugar na nasa poco mas o menos 50 kilometro kan kabiserang Oslo.
Sa ibong kan hewas kan kasulo, wara man na nairehistro na nagadan o nawawara sa mga residente.
Labi sa 60 bumbero man an ipinalakop ngani na maapula an kasulo, mantang nagagamit man nin helicopter na nagsaboy nin tubig hali sa himpapawid ngani na mapugulan an paglakop kan kasulo.
Huli sa makusog na paros, marikas man na naglakop an kalayo asin uminabot sa kataning na kabubuludan, rason ngani na i-ebakwar kan mga otoridad an ginatos na mga residente.
Padagos man an imbestigasyon sa pinagpuunan kan kasulo, mantang nagsasagibo nin assessment sa hewas kan danyos.
