LEGAZPI CITY – Nasa 18 personahes kan Bureau of Jail Management and Penology (BJMP) Bicol an na-promote sa seremonya na pinangenotan kan mga haralangkaw na opisyal sa Bicol.
Sa intrevista kan Bombo Radyo Legazpi ki BJMP Bicol spokesperson Jail Senior Inspector Joseph Lucila, mahigot na eksaminasyon an pinag-agihan kan mga personahes antes na donning of ranks.
Segun sa opisyal, kaibanan sa mga pighihiling an abilidad asin kun papano pigagampanan kan sarong personahe an papel sa trabaho.
Makalihis ini, pigsasara pa kan promotions board an gabos na mga kandidato sa promotion hasta sa magsairarom sa interview.
Mientras tanto, naglalaom man si Lucila na sa paagi kan nasambitan na promosyon, mas mai-inspire pa an iba pang mga personahes ngani na gibuhon nin marhay an saindang trabaho.
Sa siring na paagi, mas magpupursige pa suboot an ibang BJMP personnel na mas magin mahigos sa pagibo kan saindang mga responsibilidad sa pagseserbi sa namamanwa.
