Buminadol sa labi P41 million an kantidad kan mga medical items na nakumpiskar kan National Bureau of Investigation (NBI) huli sa pigsasagibo kan mga negosyanteng profiteering, hoarding asin overpricing kan limitadong medical supplies puon kan ipaotob an enhanced community quaratine huli sa paghadit kan paglakop kan Coronavirus disease 2019 (COVID-19).
Segun ki NBI Director Eric Distor, kaibanan sa mga nakumpiskang items an alcohol asin hand sanitizers, thermal scanners, personal protective equipements (PPEs) asin surgical face masks.
Magigirumdumang kaibanan an mga ini sa mga nagkukulang sa mga kahimanwa puon kan ipaotob an lockdown kan March 17, 2020.
Sa ngonyan, dagos-dagos man an ipigsasagibong raid kan NBI asin maabot na sa 61 operations nationwide an naisagibo kan NBI Manila-based asin Regional Operations units kontra sa mga nagsasamantala ngonyan na panahon na naghahampang an nasyon sa krisis.
Afuera sa P40 million na kantidad kan medical supplies, nasa 122 na indibidwal na man an naarestar sa mga buy-bust asin entrapment operations.
Sinunadan na an mga suspek nin kasong pagbayolar sa R.A. 7581 (Price Act of the Philippines), R.A. 7394 (Consumer Act of the Philippines), R.A. 11469 (Bayanihan to Heal as One Act) asin R.A. 10175 para sa mga online sellers kan mga nasabing items.
