Ipigreport kan Philippine Red Cross (PRC) inalalayan ninda an 856 na pasyente puon Enero 8 hasta 10, sa selebrasyon kan Feast of the Nazarene.
Sa naunambitang numero, 415 na indibidwal an nagsa-irarom nin vital signs monitoring, 409 an may minor cases arog kan pagkahilo, lugad, gasgas, sprain, paso, asin kalintura, mantang 13 an may mga major cases kabali an hararom na lugad, kadepisilan sa paghangos, asin mga fracture.
Sa kabilugang pasyente, 19 an kinaipuhan na darahon sa manlaen-laen na ospital arog kan PGH, Philippine Orthopedic, Tondo Medical, Quirino Memorial, Jose Reyes, Valenzuela Medical Center, Ospital ng Manila, East Avenue, Fabella, asin San Lazaro.
Nagtao man an PRC nin 2,204 na welfare assistance, kabali an psychosocial first aid sa 83 katawo, tracing sa 6, referral sa 38, free calls sa 2, asin distribusyon nin 2,075 na food packs.
Sa saindang Emergency Field Hospital, 44 na pasyente an nabulong, kun saen 34 an minor cases asin 10 an ibinalyo sa ibang ospital.
Sa tubig asin sanitasyon, an PRC nakapagdistribwir nin 1,300 litro nin inumong tubig asin 10,000 litro nin domestic water, na nagserbi sa 2,950 na indibidwal.
Para sa operasyon, an PRC nag-deploy nin 1 command post, 17 first aid stations, 27 welfare desk, 10 foot patrol, 1 emergency field hospital, 19 ambulansya, 3 service vehicles, 9 medics on wheels, 1 water tanker, 3 rescue boats, asin 1 Humvee, na suportado kan 1,260 staff asin volunteers.
An mahiwas na aksyon kan PRC patunay kan saindang kahandaan asin dedikasyon sa pagtao nin asistensya asin kaligtasan sa milyon-milyon na mga deboto na nagpartisipar sa Traslacion 2026.
 reported they assisted 856 patients from January 8 to 10, during the celebration of the Feast of the Nazarene.){kind=link}