LEGAZPI CITY—Sarong insidente nin bungguan kan kotse asin jeep an nairehistro sa Barangay Del Rosario sa banwaan kan Pilar, Sorsogon.
Segun ki Pilar MPS Investigator PSSG Christopher Lopez, sa intrevista kan Bombo Radyo Legazpi, na mantang an sarong kotse pigbabaybay an tinampo kan Maharlika Highway na gikan sa ciudad kan Legazpi asin pauli na sa Castilla, Sorsogon—napaturog suboot an drayber kaini kun kaya nawaran ini nin kontrol asin digdi na nabunggo an sarong jeep.
Alagad kan nabunggo kan kotse an nasambitang lunadan, napasiring man an jeep sa ibong na tinampo hanggang sa nakabunggo ini sa lanob kan sarong harong asin nadamay an sarong e-bike na nakaparada sa gilid.
Dugang kan opisyal na an jeep may mga lunad na pasahero alagad dae man nagsapar nin labing mga lugad na kun saen tulos man ining nirespondehan kan mga otoridad asin dinara sa ospital.
Mientrastanto, padagos man an pangapudan kan saindang ahensya sa mga motorista na magdoble-ingat sa pagmamaneho.
