LEGAZPI CITY—Suspendido an face-to-face classes sa banwaan kan Camalig, Albay sa Biyernes, Marso 13, huli kan scheduled power interruption puon alas 5:30 nin aga hasta alas-6 nin banggi magin an huma kan halangkaw na heat index sa lugar.
Segun ki Camalig Public Information Office Staff Mark Villavicencio, sa intrevista kan Bombo Radyo Legazpi, kabale sa suspendido an gabos na lebel sa pampulibliko asin pampribadong mga eskwelahan sa banwaan.
Napagdesisyunan ninda na isuspendi an klase huli kan pig-aantisiparan na heat cramps, heat exhaustion, asin heatstroke dara kan mainit na panahon.
Mientrastanto, pangapudan ni Villavicencio sa namamanwaan na kun warang importanteng lakawon sa luwas an importante na magtinir na muna sa mga harong para man sa saindang kaligtasan.
