Nagsurender sa kapulisan ngunyan na Lunes nin banggi, Abril 13 si Cavite 4th District Rep. Kiko Barzaga katakod kan pigkakahampang niyang kasong cyber libel.
Susog sa report, kusang-loob ini na nagsurender sa Dasmariñas Component City Police Station.
Nangyari ini sa parehong aldaw kun kasuarin nagluwas nin warrant of arrest an Makati City Regional Trial Court Branch 147 laban sa suspendidong lehislador huli sa walong bilang nin pagbalgar sa Section 4(c) kan Cybercrime Prevention Act.
An kaso an isinunad kan negosyanteng si Enrique Razon, pati na ninda Antipolo Rep. Ronaldo Puno asin Manila Rep. Rolando Valeriano.
Katakod ini sa mga alegasyon ni Barzaga na suboot sinuhulan ni Razon an pirang miyembro kan ng National Unity Party nganing suportaran an dating House Speaker na si Martin Romualdez.
Ipigtalaan an piyansa niya sa kantidad na P48,000 kada bilang nin cyber libel o kabilogang P384,000.
Sa presente, nasa kustodiya na kann kapulisan kan Dasmariñas City si Barzaga.
