Puminakol na sa 235 an numero kan mga nairehistrong kaso nin mga lugad huli sa paputok katakod kan selebrasyon kan Bagong Taon , segun sa Department of Health (DOH) poon Disyembre 21, 2025 sagkod Enero 1, 2026.
Basado sa datos na ipinaluwas kan ahensya, 62 na kaso nin injury huli sa paputok an nairehistro kan bisperas kan bagong taon, Disyembre 31.
Segun ki DOH spokesperson Assistant Secretary Albert Domingo, piglalaoman kan ahensya na madugangan pa an kabilugang numero kan mga biktima nin paputok sa enot na semana kan taon, puon Enero 1 hasta 5.
Nangapudan man an opisyal sa publiko na an gabos na tinamaan nin paputok, maski gano kasadit an lugad, dae pagbaliwalaon asin tulos na darahon sa pinakaharaning ospital ngani na maibitaran an tetanus.
Mientrastanto, mas hababa nin 42% an nairehistrong kaso ngonian na taon kumpara kan nakaaging taon na uminabot sa 403.
Nagluluwas man sa datus kan ahensya na kadaklan sa mga biktima an edad 19 anyos pababa.
 from December 21, 2025 to January 1, 2026.){kind=link}