LEGAZPI CITY- Mamundo an mismong barangay kapitan kan Brgy. 28 Victory Village sa syudad kan Legazpi siring man an 92 na pamilyang nasuluan huli sa kawaran nin aksyon kan Albay Power and Energy Corporation (APEC) sa nangyaring insidente.
Sigon ki Barangay Kapitan Antonio Lobireza, garo sinda pa an pigbabasol kan APEC sa nangyaring kasulo huli sa suboot mga “jumper” o iligal na nagtatakod nin kuryente sa lugar.
Katunayan, pabalik-balik suboot si Barangay Kagawad Dellosa sa opisina kan nasambitan na korporasyon ngani na ipaabot an nagkapirang reklamo asin request na i-rehabilitate an mga linya nin kuryente.
Alagad dae suboot nin nagin kasimbagan an APEC hasta sa nangyari an kasulo.
Dugang pa ni Lobireza, dakol pang purok sa saindang barangay an nakakaeksperyensya nin siring na problema kun sain nagkakalayo an ibang linya o poste nin kuryente.
Sa ngunyan, pigpapa-evaluate na suboot ni Legazpi City Mayor Noel Rosal an mga biktima kan kasulo ngani na matawanan nin pinansyal na asistensya kan DSWD.
Piglalaoman man na mabisita si Albay Governor Al Francis Bichara ngani na personal na mabisita asin makaolay an mga opisyales kan Victory Village.
Sa ngunyan, sinabi kan kapitan na nakidagos na muna an ibang nasuluan sa saindang mga kaparientes mantang nasa Victory Village Elementary School nagtitinir an iba pa.
