Nagsunad an kampo kan negosyanteng si Charlie “Atong” Ang nin mosyon nganing suspendiron an proceedings sa mga kaso kaini.
Sinabi ni Department of Justice (DOJ) spokesperson Polo Martinez, na isinunad kan abogado kaini sa San Pablo regional trial court (RTC).
May kinaaraman ini sa kasong kidnapping with homicide asin kidnapping with serious illegal detention na may kinaaraman sa nawawarang sabungero.
Huli digdi an ipig-octaba kan korte ann pagpapaluwas nin warrant of arrest ki Ang makalihis an pagsunad nin mosyon.
Sa mga korte kun saen nahahampang nin kaso si Ang siring sa Sta.Cruz, Laguna; Lipa , Batangas asin San Pablo, Laguna City an solamenteng an Sta. Cruz RTC Branch 26 asin Lipa RTC Branch 13 an nagluwas nin warrant of arrest ki Ang.
Sinabi man ni Prosecutor General Richard Fadullon na hinagad kan korte sa DOJ na magsumiter nin mga dokumento mapadapit sa kaso kabale an counter-affidavits kan mga respondents.
Sienerto man na sinda an masimbag asin makompele sa request kan korte nganing matukoy sa pagpapaluwas nin warrant of arrest.
Dugang pa ni Fadullon na kun ano an lakdang kan korte an siya man na gigibohon kan DOJ.
Kinumpirma naman ni Martinez na nagpuon na an hearing sa kaso ni Ang sa mga korte kan Lipa asin Sta. Cruz.
Magigiromdomang inanunsyar ni Interior Secretary Jonvic Remulla na mapataw sinda nin P10-milyon reward para sa pag-aresto kay Ang.
