Legazpi City- Padagos an mga isinasagibong kampanya kan Bureau of Fire Protection Legazpi para sa pag-aasigurar na lambang namamanwaan sa Cuidad kan Legazpi an igwang aram sa pagresponde sa kasulo partikular mente preparasyon sa papaabot na holiday season.
Sa intrevista kan Bombo Radyo Legazpi kay SFO4 Garry Santander ,an Deputy Fire Marshal BFP Legazpi, nagsagibo nin sarong fire drill ans sharing of information an ahensya sa sarong ekwelahan sa cuidad. Asin pinagtukduan an mga ini manungod sa mga basic responses enksong nahahampang sa sitwasyon na igwang kasulo sa saindang establishemento.
Base sa opisyal regular an saindang pinagsasagibo na monitoring sa mga lugar asin establishemento sa cuidad para makaiwas sa kasulo ngunyan na pasko asin sa pagsabat nin bagong taon.
Mientras tanto liwat man na nagpagirumdom an opisyal sa publiko na enkasong mabakasyon asin maharale ngunyan na holiday o sa ano mang sitwasyon na tanggalon sa saksakan an mga appliances asin iba pang pwedeng pagpuunan nin kasulo. Mantang maging alerto man enkasong nagluluto o naggatong na bantayan nin marhay huli sa posibleng saro man ini sa maging kawsa kan kasulo.
