Makikipagtabangan an Kamara de Representantes sa korte asin sa Bureau of Jail Management and Penology (BJMP) nganing masyerto an kaligtasan kan testigo na si Ramil Madriaga, na pigkokonsiderar na “bagman” ni Bise Presidente Sara Duterte, enkaso ipaapod ini sa impeachment proceedings.
Segun ki Bicol Saro Party-list Rep. Terry Ridon, kinakaipuhan na mapakarhay an koordinasyon huli ta nakakulong ngonian si Madriaga sa pasilidad kan BJMP sa Taguig City huli sa suway na kasong kriminal.
Tinawang-duon ni Ridon na an affidavit ni Madriaga iyo an pinaka-importanteng bagong ebidensya sa reklamo, na pigdedetalye an suboot paghiro kan confidential asin intelligence funds kan OVP asin DepEd sa pamamayo ni Duterte.
Sa isinangat na impeachment complaint, pigbuyagyag ni Madriaga an mga transaksyon asin mga tawo na suboot imbuelto sa pagpaluwas nin pondo na aram kan Bise Presidente.
Piglinaw man ni Ridon na dae pwedeng ipaapod si Madriaga sagkod na dae pa madesisyunan kan House Committee on Justice kun sufficient in form asin sufficient in substance an reklamo.
Kun malagpasan an siring na mga lebel, tatawan nin tsansa si VP Sara na makasimbag antes magpoon an pormal na hearing kun saen puedeng siyasaton an mga alegasyon ni Madriaga.
 to ensure the safety of witness Ramil Madriaga, who is considered the "bagman" of Vice President Sara Duterte, in case he is summoned to the impeachment proceedings.){kind=link}