Nagsakat pa sa $200 million an election campaign ni US Vice President Kamala Harris sa laog sana nin sarong semana puon kan siya an magin presidential candidate kan Democratic Party.
Marurumduman na tinapos na ni President Joe Biden an saiyang reelection bid asin inindorso si Harris para sa November elections kun sain makakahampang kaini si dating Presidente Donald Trump.
Segun sa deputy campaign manager ni Harris na si Rob Flaherty na an 66% kan nasabing campaign fund an hali sa mga bagong donors.
Afuera digdi, igwa man nin nasa 170,000 na mga bagong volunteers para sa kampanya.
Marurumduman na basado sa mga survey kan nakalihis na semana, matataram na halos pantay na an Republican na si Trump asin si Harris kaya pinaglalaoman an mahigot na laban para sa pirilian.
