LEGAZPI CITY – Ipigkokonsiderar kan kapulisan na sarong trayumpo an pagkakaarestar kan sarong lalaki na kaibanan sa Regional Most Wanted Person sa Barangay Cabcab, San Andres, Catanduanes.
Sa intrebvista kan Bombo Radyo Legazpi ki PLt. Gary Amaranto, – Deputy Chief of Police kan San Andres Municipal Police Station, naarestar an nasabing persona sa saysay kan mandamiento de aresto.
Nahahampang ini sa apat na kaso nin Qualified Statutory Rape.
Segun ki Amaranto, napag-araman na kaparientes man sana na edad 15-anyos an biktima kan suspetysado.
Sa ngonyan nagtetenir na an akusado sa kustodiya kan pulisya para sa magkakanigong disposisyon.
Nangapudan man an opisyal sa publiko na makipagkooperar sa mga otoridad nganing marikas na mapanimbag an mga personang may sala sa ley.
