LEGAZPI CITY- Nanindugan an sarong kagawad kan Barangay San Roque sa Tabaco City na igwang rason sa likod kan dae niya pag-atendir kan flag ceremony kan barangay.
Ini makalis siyang mahatulan nin guilty, kaibanan an tulong iba pa, nin simple misconduct huli sa dae pag-atendir kan flag ceremony.
Segun ki Kagawad Cherrel Binalla sa intrevista kan Bombo Radyo Legazpi na nagpuon pa an isyu kan 2024, huli ta pigagamit suboot kan kapitan kan barangay an flag ceremony ngani na ipasupog siya huli sa nagkapirang mga isyu.
Nagigin plataporma suboot ini ngani na maipasuog siya bilang miyembro kan barangay council kaya nagdesisyon na dae na mag-atendir.
Sinabi kan kagawad na kun igwang problema kontra saiya asin kun igwang mga dae pagkakasinabutan, dapat na pag-olayan ini sa tamang forum.
Napag-araman na nagpuon kasuudma an suspensyon kan apat na mga barangay kagawad.
Sa presente, sinabi ni Binalla na pinaghahanda na man ninda an masunod na mga lakdang kontra sa saindang kapitan.
Mientras tanto, pigbabalo man kan Bombo Radyo na kuwaon an pahayag kan kapitan kan nasabing barangay dapit sa nasabing isyu.
