LEGAZPI CITY- Nagin matrayumpo an paglalansar kan Kadiwa ng Pangulo sa laog kan Albay Police Provincial Office.
An nasabing aktibidad an naaprobitsaran kan mga kapulisan asin kan publiko.
Segun ki Albay Police Provincial Office Director Police Colonel Julius Añonuevo sa intrevista kan Bombo Radyo Legazpi na planong ipagpadagos ini sa masunod pang mga semana.
Napag-araman na nagkakaigwa nin Kadiwa ng Pangulo tuyong aldaw nin Martes asin Huwebes kun sain nagpapabakal nin mas baratong mga gulay, prutas asin iba pang mga lokal na produkto.
Paliwanag kan opisyal na sa siring na paagi, natatabangan man an mga paraoma asin an mga saradit na negosyante na maipabisto an saindang mga produkto.
