LEGAZPI CITY-Kadakol na mga Pilipino an piniling magselebrar kan aldaw nin Kapaskuhan ngonian na aldaw sa Luneta Park, sa Maynila.
Atab pa sana nagpasiring na na mga ini sa nasabing parke kaiba an kanya-kanyang mga pamilya, amigo asin amiga asin mga ka-partner sa buhay.
Kaniya-kaniyang dara man nin mga pagkakan asin an nagkapira an naglatag kan saindang mga banig sa parke mantang an iba nagdara nin sadiri nindang mga tukawan.
Bukas an Rizal Park sa publiko, mantang dai man ipinagbabawal an pagsasagibo kan picnic sa mahewas na area kam bilog na parke.
Padagos man an pagirumdom kan National Parks Development Committee (NPDC) sa mga sakop kan Luneta na manteniron an kalinigan sa bilog na parje asin obserbaran an tamang pagtatapok nin mga basura.
