LEGAZPI CITY-Inanunsyo kan Sugar Regulatory Administration (SRA) na an bilog na produksiyon kan asukar sa nacion para sa crop year 2025-2026 an itatalaga para sa domestic use.
Segun kay SRA Administrator Pablo Luis Azcona, na mapoon sa Setyembre 1, kung sain an gabos na asukar itatalaga bilang “B” sugar o para sa local na konsumidores sana.
Mantang an milling season man an mapoon sa Oktubre 1, kasunod kan 3 taon na transisyon ngani maibalik sa huring parte kan taon.
Sa ibong kan pagkakaigwa nin alokasyon hale sa U.S. tariff rate quota (TRQ), warang itinalaga na asukar para sa export, huli sa nagtetenir na hababa an lokal na produksiyon kumpara sa pangangaipohan kan nacion.
Nagabot na kaya sa 2.084 million metric tons (MMT) an kabilugang raw raw sugar output kan Hulyo 27, hale sa haros 26 million metric tons kan canes sa 405,000 na ektarya.
Mientrastanto, nagmamawot man an Sugar Regulatory Administration nin P8 billion para sa soil rejuvenation asin small-scale irrigation, asin dagdag na proposal na P1.2 bilyon para sa 20,000 na ektaryang tanoman kan high-yielding variety plantlets na nagin susi sa paghalangkaw kan produksyon sa mga nakaaging taon.
Nagbabala man an ahensya sa padagos na infestation kan red-striped soft scale insects (RSSI) sa labi na sa 3,200 na ektarya sa Negros Island asin Panay.
