Kinoronahan bilang Miss Earth 2024 si Jessica Lane kan Australia makalihis mangibabaw sa 75 na mga kandidata hali sa manlain lain na mga nacion.
Siya an pinasahan nin korona ni Albaninan queen Drita Ziri na nanggana kan nakalihis na taon.
Si Lane an pinaglalaoman na magseserbing bagong tagasuporta kan environmental awareness.
Si Hrafnhildur Haraldsdóttir kan Iceland an kinoronahan bilang Miss Earth-Air mantang Miss Earth-Water si Bea Millan-Windorski kan USA asin Miss Earth-Fire si Niva Antezana kan Peru.
An nasabing mga beauty queens an may responsibilidad sa pag promotir kan pangangataman sa kapalibutan.
Mientras tanto an pambato man kan Pilipinas na si Irha Mel Alfeche an nagtapos sa Top 12 kan kumpetisyon.
