Sarong Japanese-owned liquefied natural gas (LNG) tanker an matrayumpo na nakaagi sa Strait of Hormuz, segun sa Mitsui O.S.K. Lines, na kaneo-enoting Japan-linked vessel na nakaagi sa nasabing ruta puon kan magpuon an kariribokan sa Iran.
Binisto an barko bilang “SOHAR LNG,” na Panama-flagged ship. Segun sa kompanya, ligtas an gabos kan crew kaini, alagad dae ninda sinabi kun nuarin eksaktong nangyari an pag-agi o kun may isinagibong negosasyon sa pagultangan kan Iran.
An Strait of Hormuz an pag-agihan nin dakulang parter kan suplay nin langis asin LNG sa bilog na kinaban. Bago an tensyon sa Iran, nag-aabot sa haros 20% kan global oil asin gas supply an an nag-agi digdi kaya ipigkonsiderar ini bilang pinakadakulang shipping route sa kinaban.
Huli sa giyera, nasa 45 barkong konektado sa Japan ang na-stranded asin dae tulos makabalyo, susog sa transport ministry kan nacion.
Kabale sa mga naoctabang barko an mga oil tanker, LNG carriers, car carriers, asin iba pang cargo vessels kan Japan.
Mientrastanto, may pira nang barko hale sa ibang nacion kabale an China, India, asin Greece ang nakaagi na man sa Strait puon kan magpuon an giyera.
