Kinumpiskar kan Japan an barkong pangsira hale sa China.
Segun sa Japanese fisheries agency, na binalewala sinda kan nasabing barko kan China kan ini nagalog sa saindang exclusive economic zone sa Nagasake Prefecture.
Inabisuhan ninda an kapitan kan barko na magpundo para sa inspeksyon kan mga otoridad alagad dae ini nagpundo.
Igwang lunad na 11 katawo an barko kabale an kapitan na sarong 47-anyos na Chinese national.
Bako sana ini an enot na pagkakataon na kinumpiskar kan Japan an barkong pangsira kan China huli nangyari na ini kan 2022.
Sienerto man ni Japanase Chief Cabinet Secretary Minoru Kihara na dae sinda mapundo sa pagkumpiskar kan mga barko na nagsasagibo nin iligal na pagsira sa kadagatan ninda.
