LEGAZPI CITY- Intertropical Convergence Zone an makaka apektar sa Palawana asin Western Mindanao mantang easterlies man an makaka apektar sa eastern sections kan nacion.
Basado sa datos kan Philippine Atmospheric, Geophysical and Astronomical Services Administration (PAGASA) na maaapektaran kan ITCZ an Zamboanga Peninsula, Basilan, Sulu, Tawi-Tawi, asin Palawan na makaka eksperyensya nin mapanganuron na kalangitan na may kalat-kalat na mga pag-uran.
Easterlies man an makaka apektar sa Cagayan Valley, Aurora, Quezon, Bicol Region, Eastern Visayas, Caraga, asin Davao Region na magdadara nin mapanganuron na kalangitan na may pabugso-bugsong mga pag-uran o pagdaguldol.
Mientras tanto, localized thunderstorms man an makaka apektar sa Metro Manila asin natatadang parte kan nacion.
