Pighayag kan Bangko Sentral ng Pilipinas (BSP) na posibleng maglangkaw an inflation sa pagultagan nin 3.1% hasta 3.9% ngunyan na Marso.
Sinabi kan ahensya na an paglangkaw sa presyo kan petrolyo, bagas, asin kuryente, siring man an pagluya kan kantidad kan piso, an posibleng magbusol sa paglangkaw kan mga babarakalon.
Sa ibong na lado, an mas hibabang presyo kan gulay, sira, asin karne an nakakatabang man suboot ngani na mamantenir na balanse an inflation.
Marurumduman na kan Pebrero, uminabot an inflation sa 2.4%, na pinakamarikas na paglangkaw kan presyo sa pabahay asin pagkaon.
Kan nakalihis na semana, pinag-antisiparan kan BSP na maabot sa average na 5.1% an inflation sa 2026 huli sa epekto kan paglangkaw kan presyo kan langis.
