LEGAZPI CITY- Idineklarar na dead on arrival an sarong Indian national na biktima nin pambabadil kasubagong aga sa Guinobatan public market.
Segun ki Police Lt. Col. Joseph Imperial, hepe kan Guinobatan Police Station sa intrevista kan Bombo Radyo Legazpi na naidalagan pa sa ospital an biktima alagad binawian man liwat ini nin buhay.
An saro man na persona na nadamay sa nasabing pambabadil an padagos na pigmo-monitor an kamugtakan.
Segun sa hepe na basado sa CCTV footage na nakuwa kan kapulisan, matataram na determinado talaga an gunman na gadanon an nasabing Indian national.
Padagos man na pig-aaram sa ngunyan an motibo sa nasabing pambabadil asin pig-aaram an pagkakabisto kan suspek.
Sa ibong kan insidente, sinabi ni Imperial na warang dapat ikahadit an publiko huli ta nagpapadagos an kapulisan sa pagprotehir sa mga namamanwaan.
PHOTO COURTESY: Garphy Vlog
