LEGAZPI CITY-Ipiganunsyo ni Chairman Andres Bernal Reyes Jr. kan Independent Commission for Infrastructure (ICI) na popoonan na an livestreaming kan mga pagdangoig kan komisyon poon sa masunod na semana.
Segun kay Reyes, obheto kan lakbang na ini na mapahewas an transparency asin maipaotob sa publiko an mga pigsasagibong imbestigasyon katakod kan suboot mga anomalya sa mga proyektong pang-imprastruktura kan gobierno.
An ICI an pigbilog ngani magsagibo nin mabusising imbestigasyon sa mga kontrobersyal na proyekto kan gobierno, kairiba an mga isyu sa bidding, implementasyon, asin paggamit kan pondo.
Sa paagi kan livestream, laoman na masusubaybayan kan publiko an mga pagdangog asin an mga testimonya kan mga imbueltong opisyal asin kontratista.
