Pormal na hinagad kan mga prosecutor kan International Criminal Court na maisumiter an written testimony asin exhibits kan key witness na si P-1100 sa kaso kontra ki dating Presidente Rodrigo Duterte.
Segun ki Acting Prosecutor Mame Mandiaye Niang, makakatabang an paggamit kan enot na recorded statements ngani na pahaliputon an live examination kan mga testigo hali sa pitong oras pasiring sa duwang oras.
Ipigsasaalang alang man kan prosekusyon sa saindang lakdang an presenteng sitwasyon kan salud kan dating presidente.
Pigduon kan prosecution na an testimonya ni P-1100 an relevant, reliable, asin probative para sa paglilitis kan kaso.
Nagtatao man suboot an nasabing pahayag nin importanteng ebidensya katakod kan modus operandi kan Davao Death Squad.
Laog man kan mga testimonya an mga detalye sa pigtataram na individual criminal responsibility ni Duterte sa mga alegasyon.
