Tinugutan kan International Criminal Court Trial Chamber III an kahagadan kan prosekusyon na palawigon nin sarong semana an deadline para sa pagsusumiterkan mga obserbasyon sa expert report dapit sa kalagayan ni dating Presidente Rodrigo Duterte na maghampang sa paglilitis.
Sa ika-duwang status conference kasuudmang Martes, sinabi ni Prosecutor Julian Nicholls na kaipuhan ninda nin dugang na panahon huli sa iba pang mga dokumento na kinakaipuhan isumiter sa parehong ipigtalaan na petsa.
Segun sa prosekusyon na dae man makakaapektar nin marhay an sarong semanang extension sa dalagan kan kaso, kaibanan an nakatalaan na pagpupuon kan paglilitis sa Nobyembre 30.
Pinagbigyan ni Presiding Judge Joanna Korner an kahagadan asin inaprubaran an sarong semana na palugit.
Marurumduman na nahahampang si dating Presidente Duterte sa crimes against humanity huli sa kampanya kontra iligal na droga kan saiyang administrasyon.
