LEAGZPI CITY-Padagos an pigsasagibong validation para sa mga benipisyaryo sa isinagibong House ressettlement project sa Malilipot Albay na pinondohan nin P162 Milyon para sa Phase 1 asin P283 Milyon naman para sa Phase 2.
Segun kay National Housing Authority Bicol Engr. Rolando Ramos sa intrevista kan Bombo Radyo Legazpi na abilable na ini kun sain naipanao na an nasa 100 unit sa Phase 1 na may 243 na house and lot unit.
Kompleto suboot an harong kun sain padagos an pigsasagibong validation para sa mga prospektibong benepisyaryo.
An mga housing project suboot an pigtatao bilang mga housing assitance para sa mga biktima kan kalamidad poon kan 2021.
Sa pagproseso kaini, kinakaipuhan muna an validation kan mga benepisyaryo asin magkakaigwa nin pre-qualificiation ngani masierto na dai ini madodoble.
Pigpapaagi man suboot sa sarong raffle an pagpili kan saindang mga unit asin pigsasagibo an inspeksyon mismo sa mga benepisyaryo ngani maayos an mga kakulangan sa unit.
Sa presente nasa 72 unit na an naipanao sa Malilipot Albay sa nakalihis an semana.
