LEGAZPI CITY- Aminado an grupo nin mga health workers na halos nagdoble an trabaho kan mga nurses asin doktor sa nagkapirang mga ospital sa nacion.
Ini an kasunod kan pahayag kan Department of Health na kaya suboot kan health system kan Pilipinas an nagdadakol na kaso kan leptospirosis sa nacion.
Segun ki Alliance of Health Workers President Robert Mendoza sa intrevista kan Bombo Radyo Legazpi na haloy ng may kakulangan sa mga nurses kaya mas namamatean an labing pagkapagal.
Aminado ini na dae na kayang matugunan kan mga nurses asin doktor an pag-aataman sa dakol na mga pasyente kaya saro ini sa mga kinakaipuhan na masolusyunan kan gobierno.
Nahahadit an opisyal na mas dakol pa an maghali sa serbisyo huli ta dae napapangatamanan nin matanos.
