LEGAZPI CITY- Aminado an sarong health expert na garing nalingawan na kan mga namamanwaan an angat na pigkahampang kan nacion durante kan COVID-19 pandemic, limang taon na an nakakalihis.
Marurumduman na ika-limang taon na anibersaryo na sa Marso 15 kan pagdedeklarar kan gobierno nin lockdown huli sa pandemya.
Segun ki OCTA Research Fellow Dr. Guido David sa intrevista kan Bombo Radyo Legazpi na garing bako na concern an mga tawo sa COVID.
Sa ibong kaini, padagos man liwat na nakakapagrehistro nin mga pasyente na nagpo-positibo sa nasabing helang alagad minimal na sana an epekto kaini sa salud kan mga pasyente huli sa mga bakuna.
Huli digdi, pinayuhan man liwat kan opisyal an publiko na magpahingalo asin ibitaran an pagluwas kun igwang namamatean na mga flu-like symptoms
Mientras tanto, para ki Dr. David na importante man liwat na marumduman an nangyari sa historya kan nacion huli sa mga adal na nakuwa kan mga namamanwaan.
