LEGAZPI CITY-Presenteng nasa Arlington Memorial Chapels and Crematory sa Quezon City an hawak ni dating Department of Public Works and Highways Undersecretary Catalina Cabral.
Pasado alas-3:00 nin maagahon ngonian na aldaw kan uminabot hawak kan dating opisyal sa Metro Manila hale sa Tuba, Benguet kun sain nahiling an hawak niya asin wara na nin buhay sa gilid kan Bued River.
Basado sa report, bandang alas 11:45 kansubanggi ika-20 kan Disyembre kan ibiyahe an labi ni Cabral hale sa Benguet.
Nanotaran man suboot sa Arlington Chapel na nagpadara nin burak si dating DPWH Secretary Manuel Bonoan kun sain nagpa-abot ini nin pakikidamay sa pamilya kan namaaram na dating opisyal.
