LEGAZPI CITY-Na-stranded an nasa 1, 400 na mga pasahero sa manlain lain na pantalan sa Bicol Region huli sa Bagyong Tino.
Segun kay Port Management Office Bicol Media Relations Officer Achilles Galindes sa intrevista kan Bombo Radyo Legazpi na otomatikong suspindido an mga biyahe sa gabos na pantalan kasunod kan anunsyo nin Tropical Signal Warning sa rehiyon Bikol.
Dugang pa kan opisyal na labi sa 2,000 na mga pasahero asin haros 400 na mga barko an stranded sa Matnog asin Pioduran Port.
Piglalaoman man suboot na madadagdagan pa an mga ini huli sa kadakol pa an mga nag-aarabot na mga byahero.
Posible man suboot an pagbabaha sa nagkapirang pantalan sa rehiyon enkaso makukusog an paguuran asin igwang darakulang hukol.
Abiso man sa gabos na ipagpaliban muna an pagbyahe ngani dai maantala sa mga pantalan.
