LEGAZPI CITY- Nakumpiskar kan mga otoridad an haralangkaw na kalibre nin badil nangyaring bakbakan kan mga suldados asin mga miyembro kan rebeldeng grupo sa Presentacion, Camarines Sur.
Segun ki 9th Infantry Division Public Affairs Office chief Major Frank Roldan sa intrevista kan Bombo Radyo Legazpi na nakasagupa kan 83rd Infantry Battalion an mga miyembro kan Larangang Guerilla 1, Sub Regional Committee 2 na nagresulta sa pigkakarkulong sampulong minutong ribayan nin putok.
Nagresulta ini sa pagkakasamsam nin duwang halangkaw na kalibre nin armas na kumpwesto nin sarong M16 rifle asin sarong M14 riffle, mga bala asin anti personnel mines.
Ipinagpapasalamat man kan opisyal na warang nakulugan sa lado kan mga suldados.
Alagad pig-aaram pa kun igwang nairehistrong casualty o nairido sa lado kan mga rebelde huli ta igwa suboot nin bakas nin mga dugo sa pinangyarihan kan engkwentro.
