LEGAZPI CITY – Dakol na netizens ngunyan an nabibilib sa kakaibang pagunting nin buhok kan sarong barbero na tubong Camarines Norte.
An simpleng haircut kaya pigsasangkapan nin arts kan nasabing barbero tanganing makapagkorte nin mga pandok asin ladawan sa buhok.
Pag-istorya ni Anthony Banzuela, sa intrevista kan Bombo Radyo Legazpi, inspirasyon kaini sa paggunting an ina na puon pagkaagi siya nang naging barbero.
Likas naman an pagkamoot kaini sa arts partikular na sa pagdrawing puon kan elementarya na nagamit sa panibagong hilig na pinunan kan 2016.
Sa pagpuon kan pandemic, nagtindog nin shop kaini si Banzuela kun sain dakol an nagdadayo maski an hali sa ibang provincia.
Aminado man si Banzuela na matrabaho an hilig kun sain nagkapirang obra an nag-aabot pa nin duwang aldaw antes na matapos.
Patok na patok man an latest na obra kaini kan Semana Santa na may temang “The Last Supper”.
