Legazpi City- Nagpatanid an Ban Toxics sa publiko mapadapit sa pagbakal nin mga kandila asin pintura na gagamiton sa paparaning undas na pwedesir na may dara nin nakakalasong kemikal.
Segun kay Tony Dizon, an Ban Toxic Campaigner sa intrevista kan Bombo Radyo Legazpi na igwa suboot na nagkapirang kandila na pigpapabakal an nakompirmar na igwang chemical na pwedesir na makaraot sa utak kan mga makabakal kaini.
Pigtaram kaini na kaipuhan bantayan an mga scented na kandila nin huli ta igwa suboot ini nin led content alagad dae suboot ini nabubusisi an mga mitsa nin huli ta nakapatos ini sa mga plastic o pakete asin mas maray suboot na gamiton su mga simple asin mga plain na kandila an bakalon nganing masyerto an kaligtasan kan gabos.
Pigdugang pa kaini na gamiton sana an mga lattex na klase nin pintura asin dae maggamit nin enamel asin hanapon an mga certification kan mga pintura nganing masyerto na ligtas ini partikular na sa led exposure.
Segun pa kay Dizon na mag-ingat an publiko sa mga costume na piggagamit para sa trick or treat party nin huli ta may nahilingan sinda nin led content an nagkapirang costume asin dawa suboot panandalian an paggamit kan costume alagad pangmatagalan man suboot an epekto kaini.
Pigtaram pa kaini na magin mapanuri man suboot an publiko sa mga pagbakal online nin huli ta dakol an naglalakop kan mga produktong nagtataong halangkaw na tyansa nin exposure sa mga nakakalasong kemikal.
Pigtawan doon kaini na nagkapirang Halloween costume arog kan mga maskara an nakompirmar na igwang chemical na pwedesir na makaraot sa utak kan mga mabakal kaini asin pigpupuntirya man suboot kaining mga nakakalasong kemikal an child development asin behavioral changes kun enkaso makadukot an mga produktong ini sa mga hawak kan mga kaakian.
