LEGAZPI CITY-Nangangapudan an sarong grupo nin transportasyon sa mga commuters na magsakay sa mga pampublikong transportasyon huli sa paglaom na makahanap nin mga pasahero sa tahaw kan na-eeksperyensyahang krisis sa produktong petrolyo.
Segun kay Basta Driver Safety Enforcer President Ronel Nebres, sa intrevista kan Bombo Radyo Legazpi na kun iisipon kulang na kulang an saindang ganansya huli sa doble an presyo kan produktong petrolyo na haros lagpas na sa P100 an kada litro.
Dagdag pa niya na sa 24 litro sa sarong aldaw nakakagastos siya nin P2,200 asin kun minsan nasa P300 na sana an saindang naiuuli para sa saindang mga pamilya.
Nakikimaherak man an grupo sa mga pasahero na magsakay sa mga pampublikong transportasyon nagni makaraos asin maipadagos ninda an saindang serbisyo.
Sinabi pa ni Nebres na mauubos tulos an itataong P5,000 na ayuda sa laog sana nin duwang aldaw.
Sa presente, matinding diskarte na sana sa pamamasada an saindang pigsasagibo asin pigsisierto na daing malalagpasan na mga pasahero
