LEGAZPI CITY-–Liwat na kinondena kan mga grupo nin mga tsuper an panibagong paglangkaw sa presyo kan petrolyo ngunyan na aldaw nin Martes.
Segun ki Pinagkaisang Samahan ng mga Tsuper at Operator Nationwide (PISTON) President Mody Floranda, sa intrevista kan Bombo Radyo Legazpi, na mantang nagkaigwa nin rollback kan mga nakalihis na semana an tila gari ining babawion ngunyan.
Dakula suboot ining angat bako sana sa mga driver asin operator kundi magin sa namamanwaan huli sa nakakakapektar ini sa pagmahal kan mga barakalon na dae na nakakasabay sa saindang sweldo.
Pangapudan niya na dapat tawan nin aksyon kan gobierno an mga oil companies na nagpapaotob nin rollback o maski an biglang paglangkaw kan presyo kan petrolyo huli sa nagsasapar nin kadipisilan an ekonomiya asin hanapbuhay kan mga obrero.
Mientrastanto, naglalaom man sinda na makakatabang an liwat na pagbabalik klase ngunyan na School Yeatr 2025-2026 sa saindang ganansya sa pamamasada.
