LEGAZPI CITY—Padagos an pagmo-monitor asin assessment kan mga otoridad sa banwaan kan Sto. Domingo, Albay makalihis an nangyaring magnitude 5.3 na linog kan Biyernes, Hunyo 5.
Segun ki Bureau of Fire Protection Sto. Domingo Chief-Operations Section Senior Fire Officer 2 Raul Balucio, sa intrevista kan Bombo Radyo Legazpi, 24/7 sindang nak-monitor sa kapalibutan kan lugar nganing maasigurar an kaligtasan kan namamanwaan.
Dugang niya na wara man sindang nairehistrong labing destroso sa mga edificio magin mga classrooms durante kan pagkundusir ninda nin assessment.
Siring man na wara man sindang nairehistrong residente na inebakwar huli kan linog huli sa wara man na nanutaran na landslide.
Mientrastantyo, abiso ni Balucio sa namamanwaan kan Sto. Domingo na kun makaeksperyensya nin linog o iba opang kalamidad na magtinir na kalmado asin dae mataranta para sa kaligtasan kan saindang mga sadiri.
