LEGAZPI CITY- Nagpagirumdom an grupo nin mga drivers sa mga motorista na maglikay sa tinampo urog na ngunyan na nagdadangadang an Semana Santa.
Pinaglalaoman kaya na madakol an ruso kan mga behikulo huli sa dakol na mga biyahero na mauli sa saindang mga provincia asin mapasiring sa mga pasyaran.
Segun ki Basta Driver Safety Enforcer Chairman Ronel Nebres sa intrevista kan Bombo Radyo Legazpi kinakaipuhan na magin kalmado an mga drivers ngani na maibitaran an anuman na dae pinaglalaoman na insidente.
Ini urog pang nagdadakol an mga insidente nin road range.
Dugang pa ni Nebres na importante man na siertuhon na nasa kondisyon an mga behikulo asin nakakasabot sa mga traffic rules ngani na maibitaran an anuman na aksidente.
