LEGAZPI CITY – Tunay na kalayaan an pangapudan kan grupo kan sarong grupo kan mga kajovenesan kasabay kan selebrasyon kan Independence Day.
Sa intrevista kan Bombo Radyo Legazpi ki Jan Rey Apuli, chairperson kan Pi Sigma Fraternity-Bicol University Chapter, tinawang duon kaini na bako malaya an mga namamanwaang Pilipino kundi nasa mahiwas na karsel sana.
Nagpahayag man an grupo nin suporta sa manlain-lain na organisasyon na nangangapudan nin suporta sa pagbusol kan direchos asin libertad kan lambang indibidwal.
Naglalaom si Apuli na makua na nin dagos an tunay na kahulugan kan kalayaan sa nacion sa paagi kan pagsimbag kan gobierno sa pigkakahampang na krisis asin iba pang nag-uulang digdi.
Kaibanan sa ipigpangapudan an paglaban asin pagprotehir sa soberanya asin pagsadiring teritoryo kan Pilipinas.
