LEGAZPI CITY—Nagsunad an grupo kan Gabriela nin House Bill No. 11498 o an “Bawal Bastos sa Eleksyon” bill na may katuyuhan na idiskwalipikar an mga kandidatong nagbubutas nin mga “misogynistic” asin “discriminatory language” sa saindang pangangampanya.
Magigiromdoman na nagkapirang kandidato siring ninda Pasig congressional candidate Christian Sia asinan nagbutas nin mga sexist asin discriminatory remarks sa saindang pangangampanya na dae ikinaogma kan nagkapirang namamanwaan.
Segun ki Gabriela Bicol Spokesperson Jen Nagrampa, sa intrevista kan Bombo Radyo Legazpi, na ini sarong amendment nganing magin basehan an mga pambabastos o ano man na diskriminasyon kan mga kandidato para sa saindang diskwilipikasyon sa kandidatura.
Urog na kun napatunayan na ini sinabi kan kandidato, may na-offend o may nagreklamo mapadapit sa mga binutasan nindang bako magagayon na pahayag.
Mientrastanto, nangapudan man ini sa publiko magin sa mga botante na gamiton na advantage an paggamit nin cellphone asin an magin mapagbantay ngani mamidbidan pa an mga kandidato sa saindang mga political rally.
