Pigpapa-asigurar ni Senate Committee on Energy Vice Chairman Senador Sherwin Gatchalian sa Department of Energy (DOE) asin Energy Regulatory Commission (ERC) an warang patod na suplay kan kuryente sa bilog na nacion sa Mayo 12, aldaw kan pirilian.
Segun kay Gatchalian, an ano mang pagkaantala kan kuryente an pwedesir makompromiso an integridad kan May 2025 National and Local Elections.
Ipigdoon kan senador na dapat makipagtabangan an DOE asin ERC sa National Grid Corporation of the Philippines, mga distribution utility, power generation companies, asin mga electric cooperative nganing masyerto na may bastanteng suplay kan kuryente sa enterong nacion sa aldaw nin botohan.
Dae dapat suboot magkaigwa nin biglaang maintenance an mga planta nin wara sa schedule, asin kaipuhang nakaantabay an ancillary services nganing tulos na masimbag an anumang biglaang pagtaas kan demand sa kuryente.
Sinabi kan senador na kaipuhan an pakakasararo kan kada sektor nganing syertuhon an tuloy-tuloy na suplay kan kuryente sa mga presinto sa aldaw nin pirilian bilang garantiya kan transparency, seguridad, asin proteksyon sa satuyang demokratikong proseso.
 and Energy Regulatory Commission (ERC) to ensure uninterrupted power supply nationwide on May 12, election day.){kind=link}