LEGAZPI CITY — Ikinabigla kan mga residente an pagkakadiskubre kan sarong wara nang buhay na giant oarfish sa baybayon kan Purok-6, Brgy. Osmeña, banwaan kan Bulan, Sorsogon.
Sa intrevista kan Bombo Radyo Legazpi kay Bureau of Fisheries and Aquatic Resources (BFAR) Bicol spokesperson Nonie Enolva, namamarong na suboot kan mahiling an oarfish segun sa impormasyon hali sa mga barangay officials.
Nasa 14 na pulgada an lapad kan kolor pilak na hayop asin poco mas o menos apat na metro an laba.
Mientrastanto, pigpawi man kan mga opisyal an pagkahandal kan publiko sa mga pagtubod na may kakabit na kalamidad an paglataw kan nasambitan na hayop.
Pag-eksplikar pa ni Enolva, komon na nagkakaigwa nin stranding incidents sa bulan kan Pebrero asin Abril partikular na an mga dolphin asin balyena urog na sa panahon kan Hanging Amihan mientras na nagluluwas man an mga oarfish hali sa istaran kaini huli sa nagkakahelang na.
Marurumduman na Enero kan makakua man nin oarfish sa banwaan kan Mobo sa Masbate mantang Disyembre kan nakalihis na taon sa banwaan kan Oas sa Albay.
Nakatalaan na man na ilubong an sira huli sa mabatang parong kaini asin pagkahandal na helang an ikinagadan kaini.
