LEGAZPI CITY — Gadan na kan makua an sarong dolphin o lumba-lumba sa dagat harane sa baybayon kan banwaan kan Dimasalang sa probinsya kan Masbate.
Sa nagunong impormasyon, nakaresibe nin apod an Dimasalang Municipal Police hale sa sarong empleyado kan local government unit kan dapit sa dos metros na gadan na dolphin na nakua sa Barangay Canomay.
Nasa pag-ataman anb hayop kan mga pulis asin Municipal agriculturist Irish Cabrera ngane na mangolekta nin impormasyon dapit sa kasarian, edad asin klase nin specie.
Nakipagkoordinar naman an mga ini sa Bureau of Fisheries and Aquatic Resources (BFAR) Masbate ngane na magsumite nin impormasyon dapit sa pagkakarekober kan dolphin.
