Nadepensaran kan France an saindang Olympic gold sa teritoryo kaini, makalihis daugon an world no. 1 na Poland sa men’s volleyball.
Huli digdi, labi an kaugmahan kan mga fans urog pang ini an ika-duwang magkasunod na gold medal kan France.
Dinaog kaya kaini an Poland sa straight sets sa score na 25-19, 25-20, asin 25-23.
Pinangenotan ni Jean Patry an France na igwang 17 points mantang si Trevor Clevenot an nakapagrehistro man nin 11 points.
An star player man kan Poland na si Wilfredo Leon na igwang kabilugan na 94 points sa bilog na Paris Olympics, an nagin matamlay an kawat asin igwa sanang 9 points.
