LEGAZPI CITY – Kompyansa an mga flower vendor sa banwaan kan Daraga, Albay na mapapaubos ninda an saindang mga paninda ngonian na undas.
Segun ki Kristine Millena sa intrevista kan Bombo Radyo Legazpi na poon kan Todos los santos na maagahon an dagsa na an mga parabakal.
Base man sa saindang obserbasyon an nanotaran ninda an pagdakol kan mga nagbabakal nin mga burak kan Oktubre 31 kompara kan Nobyembre 1.
Dae man siya napapagalan magpabakal kan saiyang mga pigti-tienda huli ta kada stall an may kaniya-kaniyang design asin madepende na suboot sa customer kun an saindang magugustuhan.
Pigtaram pa niya na sa nakalihis na magdamlag an nagigin mabenta an mga burak na nagkakantidad na P150 sagkod P500.
Piglalaoman ninda na sagkod ngonian na aldaw kan mga kalag an may mabakal pa kan mga tienda nindang burak urog na su mga mapasiring pa sana sa mga kamposanto.
Pangapodan ni Millena sa publiko na tangkilikon an mga pigti-tienda nindang burak huli ta kadakol sindang pagpipilian kun ano an gusto nindang design.
