LEGAZPI CITY- Pormal nang pigpasinayaan sa Masbate City Airport an pinakaenot na flight kan panibagong airline company sa nasambitan na erpuerto na biyaheng Manila-Masbate-Manila.
Inatendiran kan haralangkaw na opisyal sa probinsya asin rehiyon an nasambitan na okasyon kaibanan na sinda Department of Tourism (DOT) Bicol Nini Ravanilla, Vice Governor Kaye Revil, Masbate City Mayor Rowena Tuason, Provincial Administrator Atty. Felimon Abelita bilang representante ni Governor Antonio Kho, Cawayan Mayor Ramon Abimunan asin nagkapira pang opisyal kan lokal na ahensya.
Positibo man an nasambitan na mga opisyal na dakulang ambag asin paglangkaw sa turismo an dadarahon kaini bako sana sa syudad kundi sa ibang mga banwaan sa Masbate.
Kaibanan sa mga pamosong pasyaran sa lugar an Buntod Marine Sanctuary, Buntod Marine Sanctuary, Pawa Mangrove Park asin an Rodeo Festival.
